كيف تقتل النملة فى أقل من 10 دقائق ونص وخمسة؟

    شاطر
    avatar
    ayoub-islam
    صاحب منتدى نور الاسلام
    صاحب منتدى نور الاسلام

    ذكر عدد الرسائل : 694
    البلد : المغرب
    الوظيفة : التجارة
    المزاج : مشغول
    اسم الدولة :
    تاريخ التسجيل : 19/08/2007

    كيف تقتل النملة فى أقل من 10 دقائق ونص وخمسة؟

    مُساهمة من طرف ayoub-islam في الأحد 21 أكتوبر 2007 - 19:18

    السلام عليكم ورحمة الله وبركاته

    كيف تقتل النملة فى أقل من 10 دقائق ونص وخمسة؟





    حظك حلو أنك معندكش أنواع النمل آكلة اللحوم meat eater ants أو الأنواع الشنيعة اللى ممكن تاكل البيت باللى فيه

    النمل جيوش مدربة .. ذكية وتتعلم .. لدرجة أنها بتحمى مخلوقات تانية! .. ومنهم النوع البلطجى الذى يطلب الإتاوة والدفع له مقابل خدماته .. يعنى باختصار عالم تانى وعالم محترم جدا .. وهو نعمة لصالح بلاد ونقمة فى بلاد! ففى الصين النمل الأحمر يفيدهم فى تقليب التربة الزراعية وتهويتها .. أما فى أمريكا فهو نقمة لأنه يأكل كل شئ حتى كابلات الكهرباء (بيستاهلوا )

    الوقاية خير من العلاج .. لو أن البيت نظيف ولا يحتوى على فتات الطعام ففرصة انتشار النمل أقل .. ولكن للأسف النمل برضه لو البيت كان فل الفل لا يرحم.

    نظريات كتير خرجت لمكافحة النمل والقضاء عليه .. ولم نستطع سوى قتل القليل من النمل! .. وهنا استعراض سريع لبعض النظريات:

    نظرية الشريط اللاصق: بتثبيت شريط لاصق على الشقوق فى المنزل وحول الأبواب .. ولكن النمل الذكى كان يأخذ الطين ويضعه على اللاصق مما يعطل عمله!

    نظرية سيب وأنا أسيب: هى نظرية من تأليفى وفشلت فشل ذريع .. أساس النظرية أنك تعطى النمل حقه وهو يسيبك فى حالك .. كنت أجيب كل يوم شوية أكل أحطه أمام البيت فياكل بره البيت ويسيب لنا البيت فاضى .. نوع من التكافل والتوازن البيئى .. ولكنى بكده زودت عدده وزاد طمعه فدخل البيت بجيوش لا مثيل لها

    نظرية أديله بالشبشب لحد ما يبان له صحاب: أفشل نظرية .. أيه الغباء ده هو الشبشب هيضرب مين ولا مين .. وبعدين جحر النمل هيفضل يطلع نمل!

    نظرية طنش تعش: ودى للناس الكسلانين .. سيب النمل يعيش معاك فى البيت ولا تعمل له حاجة بس الخوف إنه فى يوم يطردك من الشقة ههههههههه

    نظرية الرشة الجريئة: عن طريق رش المبيدات (خصوصا الباف باف فيليت الذى يستمر ويستمر ويتوغل وينتشر ويقتل - بس بيقتلك أنت هههههه) وكما قلنا أنه الآثار الجانبية للحاجات دى أخطر من النمل بمراحل!

    نظرية اسمها حط له السم فى الأكل: آه خياااانة .. أنك تشترى المنتجات السامة دى على شكل حبوب .. مشكلتها لو عيل صغير طفس أكلها .. تخسر عيل صغير علشان نملة؟ بلاش أحسن

    نظرية المكنسة الكهربائية: بالظبط مثلما تحدثنا عنها فى موضوع كيف تقتل الناموسة .. لكنها فاشلة هنا لأنك لن تقضى على المصدر!

    نظرية لاقينى ولا تغدينى: ودى دليل على اليأس .. الفكرة أنك تخطف نملتين من وسط كل 10 نملات .. تقتل نملة وتضرب نملة .. وترجع النملة المعتقلة دى للجيش تانى علشان تروح وتحكى لملكة النمل عن وحشية البنى آدم اللى رايحين ياكلوا أكله .. بس المشكله أنه النمل ممكن يضحى ولا يهمه.

    نظرية يكش تولع (وفى رواية اسمها: على وعلى أعدائى): ودى مصيبه لأنها فاشلة جدا .. إنك تجرى ورى النمل بالبلطة أو المنجنيق أى حاجة كبيرة كده علشان تكسر جحورهم .. بس النتيجة البيت يا إما هيتهد أو أنت تكسره كله .. وبرضه النمل هيعيش!

    طيب والحل .. الحل أيه عقدتنا فى عيشيتنا؟؟ أيه طرق مكافحة النمل؟؟ ما هو العلاج؟



    ببساطة شديدة وبعد عدة تجارب .. كالعادة، فالمكافحة البيولوجية هى أساس الحل الجذرى للمواضيع المتعثرة .. وهذه صورة العلاج:



    اسمه آكل النمل Anteater ويتغذى على أكثر من 200 ألف نملة فى اليوم .. حظ سعيد ويا ريت الجيران يشتركوا معك فى الحل لأنه لو مأكلش النمل ده كله هيزعل أوى وباين من الصورة أن زعله وحشششششش


    _________________


      الوقت/التاريخ الآن هو الأحد 19 نوفمبر 2017 - 10:49